دوای یاریەکی دراماتیکی لیڤەرپوڵ بە لێدانە یەکلاکەرەوەکان لە چێڵسی بردەوە و جامی فاکەپی بەدەستهێنا.
لە یاری کۆتایی جامی فاکەپ هەردوو یانەی لیڤەرپوڵ و یانەی چێڵسی لە یاریگای وێمبڵی ڕووبەڕووی یەکبونەوە و لەئەنجامدا لیڤەرپوڵ بە لێدانە یەکلاکەرەوەکان یاریەکەی بردەوە.
یاریەکە لە سەرەتاوە ڕکابەریەکی زۆری بەخۆیەوەبینی و چەندین هێرشی مەترسیدار کرایە سەر گۆڵی هەردوو یانە بەڵام هیچ لایەکیان سەرکەوتوو نەبوون لە گۆڵ تۆمارکردن و کاتی ئاسایی یاریەکە و تایمە زیادکراوەکانیش ئەنجامەکە بە خاوێنی مایەوە و هیچ تیپێکیان سەرکەوتوو نەبوون لە گۆڵ تۆمارکردن، دواتر پەنابرایە بەر لێدانە یەکلاکەرەوەکان و لەئەنجامدا لیڤەرپوڵ 6 بە 5 بردنەوەی بەدەستهێنا.
لیڤەرپوڵ دووەمین نازناوی ئەم وەرزەی بەرامبەر چێڵسی بەدەستهینا کە لە مانگی شوباتی ڕابردوو یاری کۆتایی جامی کاراباوی لێبردەوە
