لیڤەرپوڵ بە دوو گۆڵ بەرامبەر بە گۆڵێک لە ساوسامپتۆنی بردەوە و جیاوازی خاڵەکانی لەگەڵ مان سیتی بە خاڵێک هێشتەوە.
لە دوایین یاری هەفتەی 37ی خولی نایابی تۆپی پێی ئینگلتەرا، لیڤەرپوڵی پلەی دووەمی ڕیزبەندی خولەکە، لە دەرەوەی یاریگای خۆیدا، ڕووبەڕووی ساوسامپتۆن بووەوە.
لیڤەرپوڵی میوان بە دوو گۆڵ بەرامبەر بە گۆڵێک یارییەکەی بردەوە و گۆڵەکانیشی لە خولەکەکانی 27 و 67دا لەلایەن تاکومی مینامینۆ و جویل ماتیپەوە تۆمارکرد، تاکە گۆڵەکەی ساوسامپتۆنیش ناتان ڕیدمۆند لە خولەکی 13دا تۆماریکرد.
بەم ئەنجامە، لیڤەرپوڵ بە 89 خاڵ لە پلەی دووەمی ڕیزبەندی خولەکەدا جیاوازی خاڵەکانی لەگەڵ مانچستەر سیتی پێشەنگ بە خاڵێک هێشتەوە و یەکلابوونەوەی نازناوی خولەکەی خستە دوایین هەفتەی پاڵەوانیەتییەکە، ساوسامپتۆنیش لە پلەی 15یەمدایە و 40 خاڵی هەیە.
