کەریم بنزیمە بە باشترین یاریزان و محەمەد سەڵاح بە دووەم باشترین یاریزانى ئەم وەرزەى چامپیۆنز لیگ هەڵبژێردران.
یەکێتى تۆپى پێى ئەوروپا ڕیزبەندى باشترین یاریزانانى ئەم وەرزەى خولى یانە پاڵەوانەکانى بڵاوکردەوە، کە یانەى ڕیاڵ مدریدى ئیسپانى نازناوەکەى بەدەستهێنا، دواى ئەوەى لە یارى کۆتاییدا لە یانەى لیڤەرپوڵى ئیسپانى بردەوە.
کەریم بنزیمەى فەڕەنسى پێشەنگى ڕیزبەندى باشترین یاریزانەکانى ئەم وەرزەى چامپیۆنز لیگى گرتووە و 832 خاڵى بەدەستهێناوە، کێبڕکێکەى لە محەمەد سەڵاحى میسڕى هێرشبەرى لیڤەرپوڵ بردووەتەوە، کە ئەم بە 652 خاڵ لە پلەى دووەمدایە.
تیبۆ کۆرتواى بەلجیکى گۆڵچى یانە مەدریدیەکە، بە 546 خاڵ پلەى سێیەمى گرتووە، بەمەش بە باشترین گۆڵچى پاڵەوانیەتییەکە دیاریکراوە، ڤینیسیۆس جۆنیۆرى بەڕازیلى یاریزانى ڕیاڵ مەدرید و ڕۆبەرت لیڤاندۆڤسکى پۆڵەندى هێرشبەرى یانەى بایرن میونشن بەدواییەکدا لە پلەکانى چوارەم و پێنجەمدان.
ڕیاز موحریزى جەزائیرى و لویس دیازى کۆڵۆمبى و بێرناردۆ سیلڤاى پورتوگالى و لۆکا مۆدریچى کرواتى و ڕەئول ئەلبیۆلى ئیسپانیش بەدواییەکدا پلەکانى شەشەم تا دەیەمیان گرتووە.
