ڕوسیا كۆنتڕۆڵكردنی شاری سیڤیرۆدۆنیتسك-ی ستراتیژی لە خۆرھەڵاتی ئۆكراین راگەیاند

وەزارەتی بەرگری ڕوسیا ڕایگەیاند، بەتەواوی شاری سیفرۆدۆنێتسکی ڕۆژهەڵاتی ئۆکرانیایان کۆنترۆڵکردووە و بەرەو ڕۆژئاوای ئۆکرانیا لە پێشڕەویدان.

وەزارەتی بەرگری ڕوسیا لە راگەیەنراوێکدا ئاماژەی بەوەشکرد، لە ئێستادا هیچ سەربازێکی ئۆکرانی لەشاری سیفرۆدۆنێتسک نەماوە و سەرجەمیان بەرەو ڕۆژئاوا پاشەکشەیانکردووە و شارەکەش بەتەواوی کەوتووەتە دەست هێزەکانیان.

هاوکات، سوپای ئۆکرانیا لەدەستدانی شاری سیفرۆدۆنێتسکی پشتڕاستکردەوە و ڕایگەیاند، بەهۆی بۆردومانی بەردەوامی ڕوسیاوە لەسەدا 90 ی باڵەخانەکانی زیانیانپێگەشتووە.

ئەمەش لە کاتێکدایە، سوپای ڕوسیا و ئۆکرانیا ماوەی چوار مانگە لە شاری سیفرۆدۆنێتسک لەپێکداداندان و شارەکەش بە کۆتا خاڵی ستراتیژی هەرێمی دۆنباس دادەنرێت.

ووشەی خوێندراوە (83) – zozk

پەیوەندیدار