ئۆتۆمبێلە نوێکەی بیجۆ بە جوانترین ئۆتۆمبێلی گەنجانە هەژمار دەكرێت

کۆمپانیای بیجۆی فەرەنسیی ئۆتۆمبێلێکی نوێی دەرکردووە کە بەشێک لە چاودێرانی بواری پیشەسازیی ئۆتۆمبێل وەک جوانترین ئۆتۆمبێلی گەنجانە وەسفی دەکەن، بەوپێیەی دیزاینێکی ناوازەی ئەوتۆی هەیە کە لەیەک کاتدا رواڵەتێکی هێرشبەرانە و هێز و نوێگەریی پێبەخشیوە.

جیاوازیی ئۆتۆمبێلە نوێکەی بیجۆ هەر لە بۆدییەکەی و ڕواڵەتی دەرەوەیدا نییە، بەڵکو بەشی ناوەوەشی زۆر کەشخە و سەرنجراکێشە و هەموو رەگەزەکانی نوێگەریی و ناوازەیی تێدایە، هەروەک داشبۆردییەکەشی نوێترین شاشەی لەمسیی تێدایە کە تاڕاددەیەکی زۆر دەستبەرداریی دوگمە کلاسیکییەکان بووە.

ئۆتۆمبێلەکە درێژییەکەی 4 مەتر و 68 سانتیمەترە و بەرزییەکەشی 147 سانتیمەترە، تایەکانیشی زۆر تایبەتن و قەبارەکەیان لەنێوان 17 بۆ 20 ئینچدایە، لەناوەوەی ئۆتۆمبێلەکەدا دوو ریز جڵدی ئاسوودەی تێدا بەکارهاتووە کە سیستەمەکانی فێنککردنەوە و گەرمکردنەوە و سیستەمی شێلانی پشتی تێدایە.

هەرچی تایبەتمەندییە تەکنیکییەکانی تری ئۆتۆمبێلەکەن بریتین لە:

بوونی سیستەمی بینینی شەوانە و نوێترین سیستەمی موڵتیمیدیا و 10 بڵندگۆی ئاست بەرز.
سیستەمی گونجانی خێرایی لەڕێگای 9 راداری پێشکەوتوو کە بەشێوەی ئۆتۆماتیکی کۆنترۆڵی خێراییەکە دەکەن.
بوونی سێنسەری رووناکی و باران و سێنسەری دیاریکردنی مەودا و کامێرای بینینی هەموو لاکانی ئۆتۆمبێلەکە.

پەیوەندیدار