لێپرسراوی راگەیاندن و پەیوەندییەکانی بەڕێوەبەرایەتی تەندروستی سلێمانی رایگه‌یاند، له 24 كاتژمێری رابردودا 192 حاڵەتی نوێی توشبون بە ڤایرۆسی کۆرۆنا لە پارێزگای سلێمانی تۆمارکراون.
سامان شێخ لەتیف، لێپرسراوی راگەیاندن و پەیوەندییەکانی بەڕێوەبەرایەتی تەندروستی سلێمانی ئه‌مڕۆ دوشه‌ممه بڵاویكرده‌وه، لە 24 كاتژمێری رابردودا 385 پشکنینی کۆرۆنا لە پارێزگای سلێمانی ئەنجامدراون، کە لەو ژمارەیە 192 كه‌س حاڵەتی نوێی توشبون بە ڤایرۆسی کۆرۆنا تۆماركراون و 193 كه‌سیش پشكنینه‌كانیان نێگه‌تیڤ بون.
به‌پێی دوایین ئاماری وه‌زاره‌تی ته‌ندروستی حكومه‌تی هه‌رێمی كوردستان، له 24 كاتژمێری رابردودا 348 كه‌س توشی كۆرۆنا بون و 180 توشبوش چاكبونه‌ته‌وه، هه‌روه‌ها یه‌ك حاڵه‌تی مردنیش تۆماكراون.
