شارەزایەکی کەشناسی و بوومەلەرزەیی لە گەرمیان رایگەیاند، کاتژمێر 11:04خولەکی پێشنیوەڕۆی ئەمڕۆ بوومەلەرزەییەکی “بەهێز” لە کەلار روویدا و لە خانەقینیش هەستیپێکرا.
ئەمڕۆ دووشەممە 18-7-2022، محەممەد کەمال، شارەزای کەشناسی و بوومەلەرزەزانی لە گەرمیان رایگەیاند: “بوومەلەرزەکە بە گوڕی 4.6 پلەی رێختەر بووە و لە گەرمیان بە گشتی و تەنانەت لە قەزای خانەقینیش هەستپێکراوە.”
محەممەد کەمال گوتیشی: بوومەلەزەکە بە قووڵایی 13 کیلۆمەتر بووە و چەقەکەی رۆژهەڵاتی کەلار لە نزیک گوندی سەنگەری خواروو و 11 کیلۆمەتر لە سەنتەری قەزای کەلار بووە.”
بە گوتەی محەممەد کەمال، لە سەرەتای ئەمساڵەوە نزیکەی 30 بۆ 40 بوومەلەرزە لە گەرمیان روویانداوە.
