مەزلوم کۆبانێ فەرماندەی گشتی ھێزەکانی سوریای دیموکرات (ھەسەدە) ڕایگەیاند، کۆدەنگی ھەیە لە ڕەتکردنەوەی ئەگەری ئۆپراسیۆنی سەربازی تورکیا لە باکوری سوریا، مەزلوم کۆبانێ وتی، ئامانجی سەرەکی تورکیا دوژمنایەتییە لەگەڵ پرسی کورد بەگشتی.
وتیشی، لە پەیوەندی بەردەوامدان لەگەڵ ولایەتە یەکگرتووەکانی ئەمریکا و ھاوپەیمانی نێودەوڵەتی سەبارەت بە ھەڕەشەکانی تورکیا و ئاماژەی بەوەدا کە ھەڵوێستیان لەو بارەیەوە ئەرێنییە .
کۆبانێ ئاماژەی بەوەدا کە حکومەتی دیمەشق و روسیا دژی ھەڕەشەکانی تورکیان، بەڵام لەلایەکی دیکەوە ڕژێمی سوریا ھەوڵەدات سوود لە ھەڕەشەکان وەربگرێت بۆ کۆنترۆڵکردنەوەی رۆژئاوای کوردستان.
کۆبانێ ھۆشداریدا لە کاردانەوەی ھەر ھێرشێکی نوێی تورکیا بۆ سەر باکوری سوریا لەسەر ئاستی ناوخۆیی و ناوچەیی و نێودەوڵەتی ، داوای لە لایەنە پەیوەندیدارەکانیش کرد کار بکەن بۆ ڕێگریکردن لەو ھێرشانە.
