بەهۆی ترس لە پاشەكشەی ئابوریی جیهانی، نرخی نەوتی خاو دابەزینی زیاتری بەخۆیەوە بینی و یەك بەرمیل خاوی برێنت بەرامبەر 93 دۆلار و 83 سەنتە.
بەپێی داتا جیهانییەكان، ئەمڕۆ سێشەممە نرخی نەوتی خاو دابەزینی زیاتری بەخۆیەوە بینیوە و یەك بەرمیل خاوی برێنت لە مامەڵە جیهانییەكاندا بە 93 دۆلار و 83 سەنت دەفرۆشرێت.
هەر بەپێی هەمان ئەو داتایانە، هەروەها بەرمیلێك خاوی تەكساسی ئەمریكی بەرامبەر 88 دۆلار و 45 سەنتە و یەك بەرمیل خاوی ئۆپێكیش بە 101 دۆلار و 23 سەنت مامەڵەی پێوە دەكرێت.
سەبارەت بە هۆكاری دابەزینی نرخی نەوت شارەزایانی ئابوریی دەڵێن، داتا ئابورییەكانی چین كە گەورەترین كڕیاری نەوتە لە جیهاندا جێی نیگەرانین و ئەوەش ترسی لەسەر پاشەكشەی ئابوریی جیهان دروست كردووە.
