زۆر کەس مایکرۆوەیڤ بەکاردەهێنن بۆ گەرمکردنەوەی خواردنەکانیان، بەڵام گەرمکردنەوەی هەمو خواردنێک بە مایکرۆ کارێکی گونجاو نییە، هەندێک کات زیانی بۆ تەندروستی هەیە، پێویستە لە گەرمکردنەوەی ئەم خواردنانە دوربکەویتەوە.
یەکەم: هێلکەی کوڵاو
بە گەرمکردنەوەی شێی ناوەکەی دەبێت بە هەڵم و دەتەقێت، ئەمەش زیان بە سیستمی هەرس دەگەیەنێت.
دووەم: برنج
هەڵگرتنی برنج لەناو سەلاجە دەبێتە هۆی گەشەکردنی بەکتریا لەسەری، کاتێک گەرم دەکرێتەوە دەبێتە هۆی ژەهراویبونی خواردنەکە.
سێیەم: سپێناغ و کەرەزو
ئەو خواردنانەی ئەم سەوزانەی تێدایە نابێت بە مایکرۆ گەرمبکرێنەوە، چونکە دەبنە هۆی ژەهرایبونی خواردنەکە.
چوارەم: شیری منداڵ
شیری منداڵ بەتایبەتی شیری دایک هەرگیز نابێت بە مایکرۆوەیڤ گەرمبکرێتەوە، باشترە شیرەکە بکرێتە ناو ئاوی گەرمەوە، پارێزراوترین رێگەیە.
