دایکێک لە دوای 18 ڕۆژ لە مردنی کوڕە تەمەن دوو ساڵەکەی، گیانلەدەستدەدات، باوکی منداڵەكەش دەڵێت “هاوسەرەکەم پێی وتم كە دەمرێت.”
رۆژی هەینی 9/9/2022 “ئیمان بێستونی” تەمەن 20 ساڵ گیانیلەدەستدا، ئەوەش لەکاتێکدا بووە کە 18 ڕۆژ لەمەوبەر کوڕە تەمەن دوو ساڵ و سێ رۆژەکەی گیانیلەدەستداوە.
یەحیا رەشید، هاوسەری ئیمان دەڵێت، “ئیمان رۆژی پێنجشەممە پێی وتووە کە دەمرێت و دواتر رۆژی هەینی لە خەمی کوڕەکەیاندا گیانی لەدەستداوە.
لەبارەی گیانلەدەستدانی “ئۆزان”ەوە باس لەوەکراوە، کە دوای دوو رۆژ لە یادی لەدایکبوونی دوو ساڵەی تەمەنی گیانی لەدەستداوە و بەشێوەیەکی کتوپڕ بووە و هیچ نەخۆشییەکیشی نەبووە.
یەحیا رەشید، باسی لەوەکردووە، لەدوای لەدەستدانی کوڕەکەیان، ماڵەکەی گواستووەتەوە و کەلوپەلی ناوماڵەکەی گۆڕیووە بۆ ئەوەی کاریگەری گیانلەدەستدانی کوڕەکەیان لەسەر خۆی و هاوسەرەکەی کەم بکاتەوە.
باسی لەوەشکردووە، کە رۆژی پێنجشەممهی ههفتهی رابردوو ئیمان پێی وتووە کە دەمرێت و دەچێتە لای ئۆزان و دەشڵێت، “پێی وتووم تۆش ئاگات لەخۆت بێت.”
