مەسعود تەک سکرتێری گشتیی پارتی سۆسیالیستی کوردستان PSK, هاوڕێ لەگەڵ شاندێکی یاوەری سەردانی مەکتەبی سیاسیی حزبی زەحمەتکێشانی کوردستانی کرد، شاندی PSK لەلایەن بەڵێن عەبدولڵا سكرتێری حزبی زەحمەتكێشانی كوردستان و ژمارەیەک لە ئەندامانی مەکتەبی سیاسی پێشوازییان لێکرا.
لە دیداری هەردوولادا گفتوگۆ لەبارەی رەوشی سیاسی باکوور و باشووری کوردستان و ڕەوشی ناوچەکە و پرسە هاوبەشە کوردستانییەکان کرا.
پارتی سۆسیالیستی کوردستان PSK و حزبی زەحمەتکێشانی کوردستان هاوڕابوون لەسەر پێویستیی یەکڕیزیی کوردستانی لەو قۆناخە هەستیارەدا .
لە دیدارەکە جەخت لەسەر پەیوەندییەکانی نێوان حزبی زەحمەتکێشانی کوردستان و پارتی سۆسیالیستی کوردستان PSK کرایەوە و PSK بە فەرمی حزبی زەحمەتكێشانی كوردستانی بۆ سێیەمین کۆنگرەی خۆی بانگهێشت کرد.
bestun latef
