وەزارەتی كارەبای هەرێم ڕایدەگەیەنێت، پڕۆژەی پریپەید بۆ 24 كاتژمێر كردنی كارەبا بەردەوامە و لە هەولێر و دهۆك ئەكتیڤ كراوە.
وەزارەتی كارەبای هەرێم لە ڕاگەیەنراوێكدا ئاماژەی بەوەكردووە، ئەو هاوبەشانەی، كە لە بازاڕی لەنگەی هەولێر و بازاڕی دهۆك و ئەڤرۆ ستی لە دهۆك كراونەتە سیستەمی پریپەید، 24 كاتژمێر كارەبایان هەیە.
ڕاشیگەیاندووە، لە هەرێمی كوردستان 6356 هاوبەشی كارەبا بە سیستەمی پریپەیدەوە بەستراون و ئەكتیڤ كراون، كە بازاڕی لەنگەی هەولێر 1457 هاوبەش و بازاڕی دهۆك 1524 هاوبەش و ئەڤرۆ ستی لە دهۆك 3385 هاوبەش.
ئاماژەی بەوەشكردووە، ئەم سیستەمە سەرەڕای باشتر كردنی دۆخی كارەبا، بارگرانی سەر فیدەرەكانی كارەبا بە ڕێژەی 400% كەم دەكاتەوە و كرێی كارەباكەشی بە هەمان نرخی ئێستای كارەبایە.
