رۆژی یەك شەممە ٢٠٢٢/١٠/٣٠ لە شاری ئامەد پارتی سۆسیالیستی کوردستان Psk كۆنگرەی (3)یەمین خۆی بەست بە سرودی ئەی ڕەقیب و ئاڵای کوردستان ، پارتی سۆسیالیستی کوردستان بەرلە ٤٩ ساڵ پێش ئێستا لە باکوری کوردستان ڕاگەیەنراوە مێژوو یەکی درەوشاوەی لە خەباتی نەتەوەیی بۆخۆی تۆمار کردووە، شایەنی باسە ئەم پارتە لە ڕۆژی 2022/10/30 بە ئامادەبونی 500 ئەندام (3)یەمین کۆنگرەی خۆی گرێدا و تێدا کۆمەڵێک گۆڕانکاری ئەنجامداوە لە وانە گۆرینی سەرۆکی پارتەکە لە شوێنی بەرێز مەسعود تەک بەیرام بوزەک وەک سەرۆکی نوێی پارتەکە هەڵبژێردرا
نوێنەری زۆر لە حزبە کانی باکوری کوردستان ئامادە ی بوبون و لە باشوری کوردستانیش هەر یەک لە حزبی زەحمەتکێشانی کوردستان. و حزبی شیوعی کوردستان و بزووتنەوەی دیموکراتی گەلی کوردستان ئامادە بون.
وتاری لیژنەی كاری هاوبەشی چەپی كوردستان كە پێكهاتووە لە(حزبی شیوعی كوردستان و حزبی زەحمەتكێشانی كوردستان و بزوتنەوەی دیموكراتی گەلی كوردستان) لەلایان شوان محمد ئەندامی مەکتەبی سیاسی حزبی زەحمەتكێشانی كوردستان خوێندرایەوه.
شایەنی باسە کۆنگرەکە یەک ڕۆژی خایەند و بە هەڵبژاردنی ٤٠ کەس بۆ سەرکردایەتی پارتە کە کۆتایی بە کارەکانی هێنا.
