فەرمانگەی میدیا و زانیاری حكومەتی هەرێم ئاشكرای كرد، شاندێكی حكومەت چونەتە بەغدا بۆ گفتوگۆ كردن لەسەر پرسی بوجە و نەوت و دانوستان لەگەڵ حكومەتی فیدراڵ.
فەرمانگەكە بڵاویكردووەتەوە، بەمەبەستی بەردەوامیدان بە دانوستاندنەكانی نێوان حكومەتی هەرێمی كوردستان و حكومەتی فیدراڵی، ئێوارەی رۆژی شەممە رێكەوتی 10ی كانونی یەكەمی 2022 شاندی حكومەتی هەرێمی كوردستان گەیشتە بەغدا.
ئەوەش هاتووە، لەو سەردانەدا شاندی حكومەتی هەرێم لەسەر پرسی بودجە و نەوت، گفتوگۆ و دانوستاندن لەگەڵ حكومەتی فیدراڵی ئەنجام دەدەن.
مەلەفی بودجە و نەوت دیارترین مەلەفە كێشە لەسەرەكانی نێوان حكومەتی هەرێمی كوردستان و حكومەتی عیراقن و تاوەو ئێستا نەتوانراوە چارەسەریان بۆ بدۆزرێتەوە.
