کەشناسی هەرێم پێشبینییەکانی کەشوهەوای ئەمڕۆ و سبەی راگەیاند و دەڵێت، پلەکانی گەرما نزمدەبنەوە و بارانبارین هەرێم دەگرێتەوە و بەفر لە ناوچە سنورییەکاندا دەبارێت.
کەشناسی هەرێم رایگەیاندووە، ئەمڕۆ سێشەممە، ئاسمان هەور دەبێت بەدرێژایی کاتەکان لەگەڵ باران بارین لە تەواوی ناوچە جیاجیاکان، کە ئاستی دابارین مامناوەند و هەندێکجار نمە بارانی پچر پچر دەبێت و ناوچە شاخاوییەکان بارانی زیاتر دەبێت.
ئاماژەی بەوەشکردووە، ناوچە شاخاوییە سنوورییەکان بەفر بارینێکی کەمی دەبێت و لە شەودا باران بارین لەسەر سنووری پارێزگای سلێمانی و هەڵەبجە زیاتر دەبێت .
لەبارەی پلەکانی گەرماشەوە ئەوە هاتووە، پلەکانی گەرما نزمدەبێتەوە بە (1-2) پلە بە بەراوورد بەتۆمارکراوەکانی دوێنێ .
کەشناسی ئاماژەی بەوەشكردووە، سبەینێ چوارشەممە، لە کاتەکانی بەیانیدا ئاسمان نیمچە هەور دەبێت و لەناوچە شاخاوییەکان و سنووری پارێزگای سلێمانی و بەشێک لە پارێزگای هەڵەبجە ئاسمان هەوری تەواو دەبێت و نمە بارانی دەبێت، لەدوای نیوەڕۆ کاریگەری ئەم شەپۆڵی باران بارینە کۆتایی دێت.
لەبارەی پلەکانی گەرماشەوە دەڵێت، یەک پلە بەراورد بە تۆمارکراوەکانی ئەمڕۆ بەرزدەبێتەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر: 15 پلەی سیلیزی
سلێمانی: 13 پلەی سیلیزی
دهۆک: 14 پلەی سیلیزی
کەرکوک: 18 پلەی سیلیزی
هەڵەبجە: 13 پلەی سیلیزی
زاخۆ: 14 پلەی سیلیزی
سۆران: 9 پلەی سیلیزی
گەرمیان: 19 پلەی سیلیزی
