کەشناسی هەرێم رایگەیاند، لە ناوچە شاخاوییەکان بەفر و باران دەبارێت و سبەینێ بارانبارین لە ناوچەکانی سلێمانی و گەرمیاندا دەستپێدەکات و لە کاتەکانی شەودا دەگاتە هەولێر.
کەشناسی هەرێم رایگەیاندووە، ئەمڕۆ سێشەممە، ئاسمان ساماڵ دەبێت و پلەکانی گەرما نزیک بە تۆمارکراوەکانی دوێنێ دەمێننەوە.
ئاماژەی بەوەشکردووە، بۆ سبەی چوارشەممە، ئاسمان هەوری تەواو دەبێت لەگەڵ باران بارینی مام ناوەند لە ناوچەکانی سلێمانی و گەرمیان و لە کاتەکانی شەودا نمە باران ناوچەکانی هەولێر دەگرێتەوە.
دەشڵێت، ئەگەری بارینی تێکەڵی بەفر و باران هەیە لە هەندێک لە ناوچە شاخاویە سنوریەکانی رۆژهەڵات و باکوری رۆژهەڵاتی هەرێم.
کەشناسی راشیگەیاندووە، پلەکانی گەرما بە (٢-٤) پلە بە بەراورد لە تۆمارکراوی رۆژی پێشوونزمدەبنەوە.
بەرزترین پلەکانی گەرمای پێشبینیکراو بە پلەی سیلیزی :
هەولێر : 17
سلێمانی : 13
دهۆک : 17
کەرکوک : 17
هەڵەبجە : 14
زاخۆ : 17
سۆران : 11
گەرمیان : 18
