وه‌زیری ته‌ندروستی حكومه‌تی هه‌رێم رایگه‌یاند، “نزیكه‌ی نیوه‌ی دانیشتوانی هه‌رێمی كوردستان ڤاكسینی كۆرۆنایان وه‌رگرتوه، ئه‌گه‌ر رێكارێكیش بۆ به‌ره‌نگاربونه‌وه‌ی هه‌ر گومانێكی ڤایرۆسێكی نوێ بگیرێته‌به‌ر ئامانج لێی خۆپارێزی ده‌بێت و بارگرانی له‌سه‌ر كار و كه‌سابه‌تی هاوڵاتیان دروست ناكات”.
د. سامان به‌رزنجی له‌په‌یامێكدا بڵاویكرده‌وه، “هه‌ر ڕێكارێك بۆ به‌ره‌نگاربونه‌وه‌ی هه‌ر گومانێكی ڤایرۆسێكی نوێ ته‌نها مه‌به‌ست به‌رژه‌وه‌ندی هاوڵاتیان و خۆپارێزی ده‌بێت له ته‌شه‌نه‌كردن، به دڵنیایی هیچ ڕێكارێكیش ناگرینه‌به‌ر كه بارگرانی بۆ كاروكه‌سابه‌تی هاوڵاتی دروستبكات، هه‌مو كات چاودێری دۆخی هه‌مو نه‌خۆشیه‌كی گواستراوه ده‌كه‌ین”.
راشیگه‌یاندوه، له هه‌رێمی كوردستان دو ملیۆن و 931 هه‌زار و 474 ژه‌مه ڤاكسینی دژه كۆرۆنا به هاوڵاتیان دراون كه به نزیكه‌یی نیوه‌ی دانیشتوان به‌لایه‌نی كه‌م ژه‌مێك یان دو ژه‌م ڤاكسینیان پێدراوه”.
به‌م شێوه‌یه‌ی خواره‌وه:
49.6 % هاوڵاتی سه‌رو 18 ساڵ ژه‌می یه‌كه‌میان وه‌رگرتوه.
40.2 % هاوڵاتی سه‌رو 18 ساڵ ژه‌می دوه‌میان وه‌رگرتوه.
ته‌نها له 2 % ی هاوڵاتیانی سه‌رو 18 ساڵ ژه‌می سێیه‌میان وه‌رگرتوه.
له‌كاتێكدا بۆ هاوڵاتیانی سه‌رو 12 ساڵی 37% ژه‌می یه‌كه‌م و 30% ژه‌می دوه‌م و 1% ژه‌می سێیه‌م وه‌رگرتوه.
A: zozk
