بەڕێوەبەرایەتی کەشناسی و بومەلەرزەزانی هەرێمی کوردستان رایگەیاند، ئەمڕۆ و سبەی هەینی ئاسمان لە ساماڵەوە بۆ هەوری تەواو دەگۆڕێت و خێرایی باش چالاکتر دەبێت، هەروەها لەناوچە شاخاوییە سنوریەکان ئەگەری کەمێک کڕێوە و نمە باران هەیە.
بەڕێوەبەرایەتی کەشناسی و بومەلەرزەزانی هەرێم بڵاویکردەوە، ئەمڕۆ پێنجشەممە ئاسمان لە ساماڵەوە بۆ پەڵە هەور دەگۆڕێت و خێرایی باش کە لەئێستادا ( 10 – 15 ) کیلۆمەترە لە کاتژمێرێکدا، چالاکتر دەبێت.
ئاماژەی بەوەشکردوە، سبەی هەینی ئاسمان نیمچە هەور دەبێت لە ناوچە شاخاوییەکان بۆ هەوری تەواو دەگۆڕێت، لەکاتەکانی درەنگانی شەو ئەگەری کەمێک کڕێوە و نمە باران هەیە بەتایبەتی لەناوچە شاخاوییە سنوریەکانی باکوری رۆژهەڵات، لە ئەنجامیشدا پلەکانی گەرما زیاتر نزم دەبنەوە.
بەرزترین پلەکانی گەرمای پێشبینیکراو بە پلەی سیلیزی:
هەولێر: 14 پلەی سیلیزی
سلێمانی: 10 پلەی سیلیزی
دهۆک: 11 پلەی سیلیزی
کەرکوک: 15 پلەی سیلیزی
هەڵەبجە: 10 پلەی سیلیزی
زاخۆ : 12 پلەی سیلیزی
سۆران : 9 پلەی سیلیزی
گەرمیان: 15 پلەی سیلیزی
