ل سالا بوورى زێده‌تر ژ 2 ملیۆن مه‌ترێن دووجا یێن ئه‌ردى ژ مینان هاتینه‌ پاقژكرن

لدویڤ زانیاریێن ده‌زگه‌هێ مینان، كابینا نه‌هێ یا حكومه‌تا هه‌رێما كوردستانێ گرنگیه‌كا زوور دایه‌ ب پاقژكرنا وان زه‌ڤیێن ب مین و ته‌قه‌مه‌نیان پیس بووین و تا نوكه‌ شیاینه‌ هزاران مه‌ترێن دووجا پاقژبكه‌ن.
لدویڤ داتایێن ده‌زگه‌هێ گشتى یێ كاروبارێن مینا ل هه‌رێما كوردستانێ، ل سالا بوورى ل هه‌رێما كوردستانێ، 2ملیۆن و 316هزار و 756مه‌ترێن دووجا ژ مین و بۆمبێن چاندى پاقژكرینه‌.
ژ كۆیا وان زه‌ڤیێن هاتینه‌ پاقژكرن، 211هزار و 611مه‌ترێن دووجا ل پارێزگه‌ها هه‌ولێرێ، 198هزار و 632 مه‌ترێن دووجا ل سلێمانیێ، 221هزار و 947مه‌ترێن دووجا ل دهۆكێ و 184 هزار و 5 مه‌ترێن دووجا ل گه‌رمیان هاتینه‌ پاقژكرن.

ئێستانیوز : بێستون لەتیف

پەیوەندیدار