شارەزایانی بواری تەندروستی هۆشدارییان دا، “بەکارهێنانی مۆبایلی زیرەک بەشێوەیەکی نەرێنی کار دەکاتە سەر يادگهى مرۆڤ و بهو هۆيهوه مرۆڤ ناتوانێ زانيارى بۆ ماوەیەکی درێژ له يادگهى خۆى ههڵبگرێ”.
بە گوتەی پسپۆڕانی رووس، “بەکارهێنانی مۆبایل کار دەکاتە سەر توانای یادەوەری و بەتێپەڕبوونی کات و راهاتن، یادگه ناتوانێ زانيارى و رووداوهكان كۆگه بكا بەهۆی بەکارهێنانی میمۆری مۆبایل و بەکارهێنانی سیستهمی گەڕان کە یارمەتی چوون له شوێنێكهوه بۆ شوێنێكى ديكه دهدا لەبری پشت بەستن بەیادەوەری،
هەروەها دەستگەیشتن بە زانیاری لەڕێگهی مۆبايلهوه هەر کاتێک كه ویستمان، رۆڵی یادگهى مرۆڤ و تواناكانی سنووردار دهكا”.
پسپۆڕان بهپێويستى دهزانن مرۆڤ چەند راهێنانێک بكا بۆ باشترکردنی یادگهى بۆ خۆبەدوورگرتن لە دیاردەی لەبیرچوونەوە، ههروهها بۆ بەهێزکردنی توانای يادگه له ئهزبهركردنى زانیارييهكان.
بهگوێرهى ئهنجامى تۆژینەوەكان، ئەو منداڵانەی زۆر مۆبايله زیرەکەکان بەکاردەهێنن، كاردانهوهى هێواشتريان له بهرامبهر هێماکانی رووناکی و دەنگ هەیە و، ههڵهى زياتر دهكهن له نووسيندا، ههروهها هێماکانی توانای كاركردنيان لاوازتره.
bestun
