لەشاری نینگچی لەناوچەی تبتی چین بەفر هەرەسی هێناو رۆژنامەی گڵۆباڵ تایمزی چینیش لەزاری دەسەڵاتدارانی ناوچەكەوە بڵاویانكردۆتەوە، ژمارەی ئەو كەسانەی بەوهۆیەوە گیانیانلەدەستداوە گەیشتۆتە 28 كەس دوای ئەوەی 8 تەرمیان لەژێر بەفردا دۆزیوەتەوە.
هەروەها لەبارەی هەرەسهێنانی ئەو بەفرەوە بڵاوكراوەتەوە كە لەسەر رێگایەكی خێرای نێوان هەردو شاری ماینلینگ و نینگچی بەفر لەسەر چیایەكەوە هەرەسی هێناوەو بۆتە هۆی پەكخستنی هاتوچۆ و چەندین ئۆتۆمبێل و هاووڵاتی گیریانخواردوە، تائێستاش تیمەكانی فریاگوزاری توانیویانە 131 كەس و 28 ئۆتۆمبێل لەناوچەكە دوربخەنەوە.
