دەزگای ئاسایشی نیشتمانی تۆڕێكی بازرگانیكردن بە ماددە هۆشبەرەكانی هەڵوەشاندوە ، كە زیاتر لە (400) هەزار حەبی مادەی هۆشبەری لە نەینەوا لەبەردەستدا بوو.
ئەمڕۆ یەكشەممە دەزگای ئاسایشی نیشتمانی لە ڕاگەیەندراوێكدا ئاماژەی بەوە كردووە : مەفرەزەكانی دەزگای ئاسایشی نیشتمانی لە پارێزگای بابل توانیان و دوای هەماهەنگی لەگەڵ بەڕێوەبەرایەتی ئاسایشی نەینەوا و بە هەوڵی هەواڵگری و وەرگرتنی ڕەزامەندی دادوەری بۆ تۆڕێكی مەترسیداری بازرگانیكردن بە ماددە هۆشبەرەكان هەڵبوەشێننەوە و ئەنجامدەرانی دەستگیربكەن .
ئاماژهی بهوهش كرد : باندەكە پێكهاتبوون لە 3 كەس لە پارێزگای نەینەوا لەوێدا ڕاكێشران بۆ بۆسەیەكی ورد بۆ شاری حللە و دەستیان بەسەر زیاتر لە (400) هەزار حەبی مادەی هۆشبەردا گیرا.
باسی لهوهش كرد، دوای لێپرسینەوە لەگەڵ ئەندامانی تۆڕەكە دانیان بەوەدا ناوە كە حەبی مادەی هۆشبەریان لە پارێزگا جیاوازەكانی ناوەند و باشوور دابەشكردووە.
ههروهها ئهوهشی خستهڕوو، وتەكانی تۆمەتباران بەپێی پێویست تۆماركراون و ڕەوانەی لایەنە پەیوەندیدارەكان كراون بۆ وەرگرتنی سزای دادپەروەرانەی خۆیان.
