بەپێی پێشبینییە کەشناسییەکان، لە ئەنجامی بەردەوامیی کاریگەریی نزمەپاڵەپەستۆی دەریای ناوەڕاست، ئاسمانی ھەرێمی كوردستان بە درێژایی کاتەکان ھەوری تەواو دەبێت، شهپۆلی بهفر و بارانیش بهردهوام دهبێت و شهپۆلێكی خۆڵبارینیش ناوچهكانی ههرێمی كوردستان دهگرێتهوه.
ئهمڕۆ یهكشهممه ئاراس جەبار، شارەزای بواری كەشناسی رایگەیاند، “لە ئەنجامی بەردەوامیی کاریگەریی نزمەپاڵەپەستۆی دەریای ناوەڕاست سبەی دووشەممە 6/2/2023، ئاسمانی ھەرێمی كوردستان بە درێژایی کاتەکان ھەوری تەواو دەبێت و لە ناوچە شاخاوییەکانی پارێزگای دھۆک و ھەولێر بەفر و بارانبارینی بەردەوام دەبێت، لە ناوچەکانی دیکەی ھەرێمی كوردستان تەنیا ئاسمان ھەوراوی دەبێت، پلەکانی گەرما سبەی بەراورد بە ئەمڕۆ، دوو تا سێ پلە بەرز دەبێتەوە، خێرایی با لە زۆربەی کاتەکاندا نیمچەبەھێز چالاک دەبێت بە خێرایی 20 تا 45 کیلۆمەتر زیاتر لە کاتژمێرێکدا لە ئاراستەی باشووری ڕۆژھەڵاتەوە.”
ئاماژەی بەوەشکردووە، ھەر بەھۆی چالاکیی باوە لە کاتەکانی سبەی ئێوارەوە شەپۆلێکی خۆڵبارین زۆربەی ناوچەکانمان دەگرێتەوە، بە تایبەت چڕیی خۆڵبارینەکە لە کاتەکانی شەودا لەسەر ناوچەکانی پارێزگای کەرکووک و سەنتەری پارێزگای ھەولێر زیاتر دەبێت و نیوەڕۆی رۆژی سێشەممە 7/2/2023 کۆتایی پێ دێت.”
دەشڵێت، سەبارەت بە دەستپێکردنەوەی باران، سبەی کاتەکانی شەو بارانی پچڕپچڕ و ڕێژە مامناوەند لە ناوچەکانی سنووری پارێزگای سلێمانی، ھەولێر، ھەڵەبجە، کەرکووک، ئیدارەی گەرمیان و ڕاپەرین دەست پێدەکاتەوە و لەگەڵ بەردەوامیی بارانبارین لە ناوچەکانی پارێزگای دھۆک و لە ناوچە شاخاوییەکانی سنووری دھۆک و ھەولێر ڕێژەی بارانەکە زیاتر دەبێت، ھەندێک کات لێزمەباران و ھەورەبرووسکە چالاک دەبێت.
