جڤاتا بلند یا دادوهریا ئیراقێ ئامارا ههیڤا بۆرى یا ژێكجودابوونا ههڤژینان راگههاند؛ 6 هزار و 433 حالهت بوون، بهغدایا پایتهخت ل رێزا ئێكێ دهێت، ب دویڤدا پارێزگههێن مووسل و دیالا دهێن.
جڤاتا بلند یا دادوهریا ئیراقێ ئامارهكا نوى بهلاڤكر و راگههاند، بتنێ ل ههیڤا بۆرى (كانوینا دووێ) 6 هزار و 433 ههڤژین ژ ههڤ جودابووینه. ل همبهر ژى پترى 26 هزار گریبهستێن نوى یێن ههڤژینیێ هاتینه تۆماركرن.
ل گۆرهى جڤاتا دادوهرى و ئامارا ههیڤا بۆرى یا ژێك جودابوونا ههڤژینان، رۆژانه 211 حالهتێن ژێك جودابوونێ ل ئیراقێ ههبووینه. پارێزگهها بهغدا ل رێزا ئێكێ، مووسل و دیالا ل رێزێن دووێ و سێیێ دهێن.
چالاك و لێكۆلهرێن جڤاكى ئهگهرێن سهرهكى یێن زێدهبوونا بهردانێ ل ئیراقێ بۆ رهوشا ژیانێ و نهبوونا ژیانهكا ههژى و بێكارى و ههروهسا بۆ خهیانهتا ههڤژینیێ ڤهدگهرینن.
GAV
