27/2/2023 هەواڵ
سهرۆكوهزیرا ئیتالیا سۆز دا كۆچبهربوونا نهقانوونى ب راوهستینیت، پشتى بهلهمهكا كۆچبهران ل كهنارێن ئیتالیان بنئاڤ بووى و ههژمارهكا وان ژیانا خۆ ژ دهست داین.
ئهڤرۆ میدیایێن ئیتالیا راگههاند، ژمارهیا گیانژدهستدانا بهلهما كۆچبهرێن ل كهنارێ ئیتالیا بنئاڤ بووین گههشته 59 كهسان و د ناڤا وان دا 12 زاڕۆ ههنه، سهرۆكوهزیرا وى وهلاتى، جۆرجیا میلۆنى ژى دبێژیت: سۆزێ ددهم كۆچبهریا نهقانوونى راوهستینم.
مانوێلا كۆرا، بهرپرسا ئیدارهیا پارێزگهها كالابریا یا ئیتالى بۆ میدیایێن فهرمى یێن بریتانیا گۆت: 140 تا 150 كۆچبهر د بهلهمێ دابوون، بهلهم ژ ئزمیرا توركیا ب رێ كهفتبوون پشتى سێ رۆژان گههشتیه ئیتالیا و ل نێزیك كهنارێن ستیكاتۆ دی كۆتۆ ب بهران كهفتیه و هاتیه تێكشكاندن.
ژێدهرین فهرمى مرنا 59 كهسان پشتراستكریه و 81 كهس ژى هاتینه رزگاركرن و 22 ژ وان بۆ نهخۆشخانێ هاتینه رهوانهكرن، زانیارى پشت راست دكهن، كۆچبهر خهلكێ ئهڤفانستان، پاكستان و ئیرانن.
gav
