پەیڤدارا وەزارەتا دەرڤە یا رووسیا ڕادگەهینیت، مۆسکۆ ڕازی بوویە ڕێککەفتنا هنارتنا گەنمێ ئۆکڕاینا بۆ دەمێ 60 ڕۆژێن دی درێژ بکەت.
زاخارۆڤا ئاماژە کریە، هەمی ئەو زانیارییێن دەربارەی ڕێککەفتنا گەنمێ ئۆکڕاینا هاتینە ڕەتکرن، ڕاستی ژی ئەوە ب تنێ درێژکرنا دەمێ هنارتنێ یە ئوە ژی بۆ دەمێ 60 ڕۆژێن دی.
ل دوماهییا هەیڤا تەمموزا سالا بووری، سێ بەندەر ل سەر دەریایا ڕەش هاتینە ڤەکرن، ل گۆرەی ڕێککەفتنەکێ کو دناڤبەرا مۆسکۆ و کیێڤ دا، ب سەرپەرشتییا ڕێکخراوا نەتەوەیێن ئێکگرتی و تورکیا هاتیە ئەنجامدان، ڕێک ب هنارتنا ب سەدان هزار تەنێن گەنمێ ئۆکڕاینا بۆ کڕیاران هاتیە دان.
