بەڕێز : ئەنجومەنی سەرکردایەتی پارتی ژیانی ئازادی کوردستان
بابەت : پیرۆزبایی
سڵاوێکی گەرم..
بەبۆنەی یادی 19 ساڵەی دامەزراندنی پارتی ژیانی ئازادی کوردستان ، بە ناوی مەکتەبی سیاسیی حزبی زەحمەتکێشانی کوردستان گەرمترین پیرۆزباییتان ئاڕاستە دەکەین و ئومێدەوارین ئەم یادە هاندەر بێ بۆ بەرەو پێشبردنی خەبات و تێکۆشانی پەژاک و بەدیهێنانی ئاوات و ئامانجە مەزنەکانی گەلەکەمان .
یادی 19 ساڵەی دامەزراندنی پارتی ژیانی ئازادی کوردستان لە کاتێک دایە، کە جیهان و ناوچەکە بە دۆخێکی هەستیار تێدەپەڕێت، بزاڤی ڕزگاریخوازی گەلی کوردستان لە بەردەم بەرەنگاربوونەوەی ئاڵنگاریەکانی قۆناخەکە و پێویستیی بەلاوەنانی ناکۆکییە لاوەکیەکان و یەکڕیزیی کوردستانی دایە ، حزبی زەحمەتکێشانی کوردستان لەو پێوەندەدا خواستی خۆی بۆ دیالۆگێکی کوردستانی لەنێوان لایەنە سیاسییەکانی کوردستان دووپات دەکاتەوە .
هەر لەو یادەدا جەخت لەسەر پەیوەندی دۆستانەی نێوان حزبی زەحمەتکێشانی کوردستان و پارتی ژیانی ئازادی کوردستان دەکەینەوە.
لەگەڵ ڕێزماندا..
مەکتەبی سیاسی
حزبی زەحمەتکێشانی کوردستان
٤ی نیسان ٢٠٢٣
