تالیبانێ سەرکردەیەکێ داعشێ یێ بەرپرس ژ کوشتنا 13 سەربازێن ئەمریکی کوشت

ئەمریکا کوشتنا وی سەرکردەیێ داعشێ راگەهاند یێ ل سالا 2021 ل فرۆکخانەیا کابۆلا پایتەختێ ئەفغانستانێ 13 سەربازێن ئەمریکی کوشتین.

جۆن کێربی، پەیڤدارێ جڤاتا ئێمناهیا نشتیمانی یا ئەمریکی د بەیانەکێ دا راگەهاند؛ سەرکردەیێ داعشێ یێ دەڤەرا خورراسانێ د هێرشەکێ دا ژ ئالیێ تالیبانێ ڤە هاتیە کوشتن و ئێدی داعش نەشێت پیلانێن مینا هێرشا ئەبی جیت ل کابۆلێ بدانیت.

سەرکردەیێ داعشێ یێ هاتیە کوشتن ل تەباخا سالا 2021 پیلانا پەقینا ل دەڤەرا ئەبی جیت یا پایتەختێ کابۆلێ دژی سەربازێن ئەمریکی دانابوو کو تێدا 13 سەربازێن ئەمریکی هاتبوونە کوشتن و 170 سڤیل ژی بریندار بوون.

گاڤ