پەرلەمانێ ئیراقێ تا ماددەیا دوازدێ ژ پرۆژەیاسایا بودجێ پەسەند کریە و ل گۆرەی ئەو ماددەیێن پەسەند بووین، پشکا هەرێما کوردستانێ ژ بودجەیا ئیراقێ 18 ترلیۆن و 310 ملیار دینارن.
ل گۆرەی ئەو برگەیێن بودجەیا ئیراقێ یێن پەسەند بووین، پشکا هەرێما کوردستانێ سالانە 18 ترلیۆن و 310 ملیار دینارن کو هەیڤانە دبیتە 1 ترلیۆن و 526 ملیار دینار.
ئەو بودجەیا بۆ هەرێما کوردستانێ دهێت، دێ ب ڤی رەنگێ ل خوارێ هێتە خەرجکرن:
1-کۆژمێ 887 ملیار دیناران دێ بۆ دانا مووچەیێ فەرمانبەرێن هەرێما کوردستانێ هێتە تەرخانکرن ل هەموو مەهێن هەرسێ سالێن 2023، 2024، و 2025.
2-ژبلی مووچەیێ فەرمانبەران و خانەنشینێن هەرێما کوردستانێ، ل گۆرەی ماددەیێ دەهـ برگەیا دویێ و ماددەیێ یازدە برگەیا دویێ کۆژمێ ترلیۆن و 873 ملیار دیناران دێ بۆ تەرخانکرنا پێدڤیاتیێن خزمەتگۆزاری و چاککرنا ئەو کەرستەیێن نوکە هەین و خەرجیێن دی هێتە دان.
3-کۆژمێ 276 ملیار و 550 ملیۆن دینارێن دی پشکا هەرێما کوردستانێ نە ژ بودجەیا پەرەپێدانا پارێزگەهان.
4-داهاتێ دەرگەهێن سنۆری یێن هەرێما کوردستانێ ب کۆژمێ 1 ترلیۆن و 560 ملیار دیناران بۆ هەر سالەکێ د پرۆژەیاسایا بودجەی دا هاتیە خەملاندن و ژ وی پارەی، کۆژمێ 780 ملیار کو دبیتە ٪50 یا وی کۆژمی بۆ هەرێما کوردستانێ دمینیت.
5-کۆژمێ 664 ملیار و 300 ملیۆن دینار وەک پشکا هەرێما کوردستانێ ژ داهاتێ فرۆشتنا پەترۆلێ هاتیە تەرخانکرن.
6-کۆژمێ 228 ملیار و 304 ملیۆن دینار بۆ دانا مووچەیێن پێشمەرگەی هاتینە دیارکرن.6-
7-پشکا هەرێما کوردستانێ ژ خەرجیێن سەروەری بۆ سالا 2023یێ ب 1 ترلیۆن و 257 ملیار دیناران هاتیە خەملاندن.
