وەزارەتی تەندروستی عێراق دوایین ئاماری تووشبووانی تای خوێنبەربوونی لەسەرجەم پارێزگاكان راگەیاند، بەپێی ئەو ئامارە لەهەرێمی كوردستان 11 تووشبووی تای خوێنبەربوون تۆماركراون و ژمارەیەكیان گیانیان لەدەستداوە.
ئه‌مڕۆ یه‌ك شه‌ممه 25-ی حوزه‌یران_ی 2023 دكتۆر سەیف بەدر، وتەبێژی وەزارەتی تەندروستی عێراق بڵاویكردەوە لەسەرەتای ئەمساڵەوە تائێستا زیاتر لە 250 تووشبووی تای خوێن بەربوون لەسەرجەم پارێزگاكاندا تۆماركراوە و 35 تووشبوو گیانیان لەدەستداوە، زۆرترین تووشبوو لەپارێزگای زیقار تۆماركراوە كە 67 تووشبوون و 10 حاڵەتی گیان لەدەستدان تۆماركراوە.
باسی له‌وه‌ش كرد، لەپارێزگای هەولێر 8 تووشبووی تای خوێن بەربوون تۆماركراوە و 4 یان گیانیان لەدەستداوە، لەسلێمانی هیچ كەسێك تووشی نەخۆشییەكە نەبووە، لەدهۆك سێ تووشبوو تۆماركراوە.
