کتێبی (یادەوەریی درەخت) وه‌ك چاپكراوێكی نوێ لە نووسینی نووسەر و ڕۆژنامەنووس نووری بێخاڵی چاپ کرا.
(یادەوەریی درەخت) کە چوارەم ئەزموونی شیعری و بیستەمین کتێبی چاپکراوی نووسه‌ره، لەباری فۆڕم و ناوەڕۆکەوە تەواو لە سێ ئەزموونەکەی تری (شەڵاڵم بە عەتری ئێوارە، سەفەر نیشتمانی نییە و موسافیر هیچ، با گۆرانی دەڵێت) جیاوازە.
ئەم کتێبە شیعرییە کە 61 دەقی لە خۆی گرتووە، ژمارە (32)ی زنجیرەی چاپ و بڵاوکراوەکانی (ناوەندی ڕۆشنبیریی مەم و زین)ە.
بڕیارە لە چەند ڕۆژی داهاتوودا كتێبی شیعری (یادەوەریی درەخت) لە کتێبخانەی (مەم و زین) ڕێوڕەسمی ناساندن و بڵاوکردنەوەی بۆ ڕێک بخرێت.
