بۆ ڕای گشتی
بە لەبەر چاوگرتنی هەستیاریی دۆخی ناوچە کوردستانییهکانی دەرەوەی ئیدارەی هەرێمی کوردستان و کۆتاییهێنان بە فراوانبوونی مەودای لێکترازان و بەرجەستەبوونی یەکڕیزیی کوردستانی ئەنجومەنی گشتی حزبی زەحمەتکێشانی کوردستان :
- تەئکید لەسەر پێویستیی یەک لیستی و پێکهێنانی هاوپەیمانی کوردستانی دەکاتەوە لە نێوان هەموو لایەنە کوردستانییەکان بۆ هەڵبژاردنی ئەنجومەنی پارێزگاکانی عێراق.
- جارێکی دیکە تەئکید لەسەر زەرورەتی هەبوونی یەکخستنی هەڵوێستی سیاسی و کارنامە و بەرنامەیەکی هاوبەشی کوردستانی دەکەینەوە بۆ بەڕێوەبردن و بەرنگاربوونەوەی تەحەددیەکانی سیاسەتی بە عەرەبکردن و ئاسایی کردنەوەی ڕەوشی ئەم ناوچانە و جێبەجێکردنی ماددەی 140، کە ڕێککەوتن لەسەر کارنامەیەکی هاوبەشی کوردستانی و پێکهێنانی هاوپەیمانی کوردستانی خواستێکی نەتەوەییە و زامنی یەکڕیزیی کوردستانی دەکات.
29ی تەمموزی 2023
