رۆژنامه‌یا نیۆیۆرك تایمز راپۆرته‌ك ده‌ر‌باره‌یى بیابانبوونا ئیراقێ به‌لاڤكریه و راگه‌هاندیه، ئیراق ئه‌و وه‌لاتێ د ناڤبه‌را دو رۆباران دا بۆ بیابانه‌كا هشك دهێته گوهۆڕێن.
ئالیسا رۆبنز كو ئێك ژ ئاماده‌كارێن راپۆرتێ یه ب كامیره‌یا خۆ هنده‌ك ده‌ڤه‌رێن ئیراقێ یێن بیابانبوون لێ دیاربوویى وێنه‌كرینه و به‌لاڤكرینه، رۆبنز دبێژیت: ئه‌و شارستانیه‌تا دگۆتنێ میزۆپۆتامیا و وه‌لاتێ ناڤبه‌را دو رۆباران یێ بۆ بیابه‌نه‌كا هشك دهێته گوهۆڕین.
ب درێژاهیا رۆبارێ فوربان ل گۆره‌یى گۆتنا وێ رۆژنامه‌ڤانی وه‌لاتى مالێن خۆ بجهـ دهێلن و به‌ره‌ڤ جهێن دوور دچن بۆ وێ یه‌كێ ئاڤێ ب ده‌ستڤه‌بینن.
رۆژنامه‌ڤانا نیۆیۆرك تایمز دبێژیت: ئه‌ردێ چاندنێ یێ هشك بوویه ئێك ژ دیمه‌نێن هه‌ره بالكیش كو پێشتر هه‌موو كه‌سكاتى بوو، ئاڤا ژێرئه‌رد ژى ئێدى بكێر ڤه‌خوارنێ ناهێت و چاندن ژى ل به‌ر ناهێته‌كرن.
gav
