بەڵێن عەبدولڵا سكرتێری حزبی زەحمەتكێشانی كوردستان سەردانی كونسڵخانەی وڵاتی چینی لە هەرێمی كوردستان لە شاری هەولێر كرد.
سەر لەبەیانی رۆژی 21/8/2023و بەڵێن عەبدولڵا سكرتێری حزبی زەحمەتكێشانی كوردستان بە یاوەری نیشتمان كەمال و شاخەوان عەبدولڵا ئەندامانی مەكتەبی سیاسی سەردانی كونسلخانەی وڵاتی چین لە شاری هەولێر كرد.
ئەمەو شاندی حزبی زەحمەتكێشانی كوردستان لە لایەن لیۆ ژینیۆنگ كونسڵی گشتی بە وەكالەت و چێن گوۆجینگ یاریدەدەری سەركونسڵ پێشوازیان لێكلرا.
بارودۆخی سیاسی عێراق و هەرێمی كوردستان و رۆڵی وڵاتی چین لە ئاشتی و سەقامگیری ناوچەكە تەوەرەی سەرەكی دیداری نێوان حزبی زەحمەتكێشان و كۆنسڵیەی گشتی وڵاتی چین بوو.
لە دیدارەكەدا بەڵێن عەبدولڵا سكرتێری حزبی زەحمەتكێشانی كوردستان باسی لە رۆڵی وڵاتی چین كرد لە ناوچەكە لەو بارەیە داوای لە بەرپرسانی وڵاتی چین كرد كە چین وەك ئەندامێكی سەرەكی لە ئەنجومەنی ئاسایش رۆڵی زیاتر ببین لە پشتیوانیكردنی هەرێمی كوردستان بە تایبەت لە نێوەندگیری كردنی نێوان هەرێمی كوردستان و عێڕاق بۆ چارەسەركردنی كێشەی نێوانیان.
شایانی باسە وڵاتی چین یەكێك لەو وڵاتانەیە كە نوێنەرایەتی لە هەرێمی كوردستان هەیە.
