دوای نیوەڕۆی ڕۆژی پێنج شەممە 5ی10ی 2023 محەمەد حاجی مەحموود سەرۆکی پارتی سۆسیال دیموکراتی کوردستان هاوڕێ لەگەڵ شاندێکی یاوەری سەردانی مەکتەبی سیاسیی حزبی زەحمەتکێشانی کوردستانی کرد، شاندی میوان لە لایەن سەعد خالید جێگری سکرتێر و بەهمەن حوسێن بەرپرسی ئەنجومەنی گشتی و ژمارەیەک لە ئەندامانی مەکتەبی سیاسی پێشوازییان لێ کرا.
لە دیداری هەردوولادا گفتوگۆ لەبارەی رەوشی سیاسی و لێکەوتەکانی لێکترازانی سیاسی لە نێوەخۆ و ڕووداو و پێشهاتەکانی ناوچەکە کرا.
هەردوولا هاوڕابوون لەسەر پێویستیی بەدەنگەوەچوونی داخوازییەکانی خەڵک و بەلاوەنانی ناکۆکییە لاوەکیەکان و بەرەنگاربوونەوەی ئاڵنگاریەکانی قۆناخەکە لە ڕێگەی داڕشتنی سیاسەتێکی هاوبەش و زامنکردنی یەکڕیزیی لەنێوان حزبە سیاسییەکانی کوردستان.
هەر لەو دیدارەدا جەخت لە گرنگی پەیوەندی دۆستانەی نێوان هەردوولا کرایەوە.
