پێنتاگۆن ئاشكرایكردووە، لە 17ی ئۆكتۆبەری ڕابردووەوە لە 46 هێرشدا لە سوریا و عێراق، 56 سەربازی ئەمریكی بریندربوون.
سەبرینا سینگ جێگری وتەبێژی وەزارەتی بەرگری ئەمریكا دووپاتی كردەوە كە لە ماوەی 24 كاتژمێری ڕابردوودا سێ ئەندامی هێزەكانی ئەمریكا بە سوكی بریندار بوون دوای ئەو هێرشانەی كە لە دوای هێرشی ئەمریكا بۆ سەر دامەزراوەكانی میلیشیاكانی سەر بەرژێمی سوریا لە ڕۆژی چوارشەممە ئەنجادراون.
هاوكات سوپای ئیسرائیل ڕایدەگەیەنێت، لە وەڵامی هێرشی فڕۆكەی بێفڕۆكەوان بۆ سەر شاری ئیلاتی باشووری وڵاتەكە، لە سوریا بۆردومانیان ئەنجامداوە.
لە دوای دەستپێكردنی جەنگی غەززە، گروپە چەكدارەكانی ناو عێراق و سوریا، هێرشیان بۆسەر ئەو بنكەو پێگانە دەستپێكردووە كە هێزەكانی ئەمریكایان تێدا جێگیركراوە، دوایین هێرشی ئەو گروپانەش، هێرشە درۆنییەكەی دوێنێ شەوی سەر فڕۆكەخانەی هەریر بوو لە هەولێر كە ئاگرێكی گەورەی لێكەوتەوە.
