شاندێکی ئەنجومەنی وەزیرانی حکومەتی هەرێمی کوردستان سەردانی مەکتەبی سیاسی زەحمەتکێشان دەکات.
رۆژی چوارشەمە، ١٣/١٢، بەبۆنەی ٣٨ ساڵەی دامەزراندنی حزبی زەحمەتکێشانی کوردستان پشتیوان سادق بە نوێنەرایەتی مەسروڕ بارزانی سەرۆکی حکومەتی هەرێم، بە یاوەری هەریەک لە سامان بەرزنجی وەزیری تەندروستی، ئانۆ جەوهەر وەزیری گواستنەوە، سەردانی مەکتەبی سیاسی حزبی زەحمەتکێشانی کوردستانیان کرد. ئەمەو شاندی حکومەتی هەرێم لەلایەن بەڵێن عەبدولڵا، سکرتێری حزبی زەحمەتکێشانی کوردستان، بەهمەن حوسێن بەرپرسی ئەنجومەنی گشتی و ئەندامانی مەکتەبی سیاسی و سەرکردایەتی پێشوازییان لێکرا.
پشتیوان سادق، لەسەر ناوی مەسروڕ بارزانی سەرۆکی حکومەتی هەرێمی کوردستان، پێرۆزبایی لە حزبی زەحمەتکێشانی کوردستان کرد بە بۆنەی ٣٨ ساڵەی دامەزراندنی حزبەکەیان.
پاشان لە کۆنگرەیەکی ڕۆژنامەوانیدا هەریەک لە بەڵێن عەبدولڵا و پشتیوان سادق قسەیان بۆ دەزگاکانی ڕاگەیاندن کرد و وەڵامی پرسیاری رۆژنامەنووسانیان دایەوە.
شایانی باسە، لە یادی ١٢/١٢، ساڵرۆژی دامەزراندنی حزبی زەحمەتکێشانی کوردستان ساڵانە ژمارەیەک حزب و لایەنی سیاسی بەو بۆنەیەوە سەردانی مەکتەبی سیاسی و لقەکانی حزب دەکەن لە شاروشارۆچکەکانی کوردستان.
