ڕاگەیەنراوێك لە حزبی زەحمەتكێشانی كوردستانەوە: بەشداریکردن و دەنگدانی کوردستانیان لە کەرکووک و ناوچە کوردستانییەکانی دەرەوەی ئیدارەی هەرێمی كوردستان ئەرکێکی نەتەوەیی و هەڵوێستێکی کوردستانییە

دەقی ڕاگەیەنراوی حزبی زەحمەتكێشانی كوردستان :
ڕاگەیەنراوێک لە حزبی زەحمەتكێشانی كوردستان سەبارەت بە هەڵبژاردنی ئەنجومەنی پارێزگاکان
کوردستانیانی خۆشەویست!
خەڵکی ستەمدیدەی کەرکووک و ناوچە دابڕێنراوەکان!
وەک دەزانن ڕۆژی 18ی کانوونی یەکەمی 2023، پرۆسەی دەنگدان بۆ هەڵبژاردنی ئەنجومەنی پارێزگاکان بەڕێوەدەچێت، ئەم هەڵبژاردنە، هەڵبژاردنێكی چارەنووسسازە و پەیوەندی بە ئێستا و دواڕۆژی گەلەكەمانەوە هەیە، پەیوەندی بە کێشەیەکی مێژوویی و نەتەوەیی و پرسی کەرکووک و ناوچە کوردستانییەکانی دەرەوەی ئیدارەی هەرێمی کوردستان هەیە، بەدەر لە ناکۆکی نێوان لایەنە سیاسییەکان و هەر ڕەخنەیەک کە هەیە، پێویستە هەموو تاکێکی کوردستانی بە گیانی نەتەوەییەوە بۆ بەرەنگاربوونەوەی سیاسەتی بە عەرەبکردن و یەکلاکردنەوەی چارەنووسی ئەم ناوچانە بەشداری لە هەڵبژاردن بکەن. لەو سۆنگەیەوە حزبی زەحمەتكێشانی كوردستان داوا لە هەموو کوردستانیان دەکات ڕۆژی 18-12-2023، بچنە سەر سندوقەکانی دەنگدان و دەنگ بدەن. بەشداریكردن و دەنگدانی کوردستانیان لەو ناوچانەدا ئەرکێکی نەتەوەیی و هەڵوێستێکی کوردستانییە.
سەرکەوتن بۆ ئیرادەی گەلەکەمان.
مەکتەبی سیاسیی
حزبی زەحمەتكێشانی كوردستان

14/12/2023