ئامادەکارییەکانی ئینتەر میامی بەردەوامە بۆ دەستپێکردنەوە وەرزی نوێی خولی ئەمریکا و لە ئێستادا سوارێزیش پەیوەندی بە یانەکەوە کردووە لەگەڵ میسی و ئالبا و بۆسکێتس ئینتەر میامیان کردوەتە یەکێک لە پاڵێوراوەکانی بردنەوەی خولی ئەمریکا، وە هەروەها هانەدەران زۆر بە پەرۆشن بۆ بینینی ئەو ئەستێرانە لە نێو یاریگادا.
لە یەکەمین یاری وەرزی نوێی خولی ئەمریکا، ئینتەر میامی روبەڕووی لۆس ئەنجلۆس گالاکسی دەبێتەوە، ئەوەی جێی سەرسوڕمانە بەگوێرەی ماڵپەڕی ڤیاگۆگ، لێشاوی هاندەرانی تۆپی پێ بۆ کڕینی بلیتی یەکەم یاری میسی لەگەڵ ئینتەر میامی لە ساڵی نوێدا ژمارەیەکی پێوانەیی شکاندووە، لە ماوەی کەمتر لە شەش خولەکدا تەواوی بلیتەکانی یارییەکە فرۆشراوە کە 27 هەزار بلیت دەکات.
لیۆنێل میسی هاوینی ڕابردوو پاریس سانجێرمان جێهێشت و پەیوەندی بە ئینتەر میامی کرد، دوای رۆیشتنی میسی بۆ یانەکە ژمارەی هاندەرانی ئەم یانە تازە دامەزراوەکە لە تۆڕە کۆمەلایەتیەکاندا 15 هێندەی پێشوو گەشەی بەخۆیەوە بینی، وە هەروەها پێگە ئەمریکیەکە بڵاویکردەوە، بلیتی ڤی ئای پی بۆ یارییەکەی ئینتەر میامی لەگەڵ لۆس ئەنجلۆس گالاکسی 900 دۆلارە و نرخی بلیتی ئاسایش بۆ ئەو یارییە 533 دۆلارە.
