تێلیگرام بە یەكێك لە تۆڕە كۆمەڵایەتییە گەورەكان دادەنرێت لە جیهاندا، لە دوای فەیسبووك، یوتیوب، وەتسئەپ، ئینستاگرام، تیكتۆك و ویچاتی چین، لە ساڵی (2013) وەك ئەپێكی بچووك دەستیپێكردووە، كە گرنگی بە نامە ناردنی پارێزراو دەدات و لەو كاتەوە پەرەیسەندووەو بۆتە پلاتفۆرمێك كە زیاتر لە (900) ملیۆن بەكارهێنەری هەیە، بە یەكێك لە (10) ئەپە باشترینەكانی جیهان دادەنرێت.
لە رێگەی تێلیگرامەوە نامەو وێنەو ڤیدیۆو بەڵگەنامە ئاڵوگۆڕ دەكرێت، بە رەسمی لەسەر ئامێرەكانی ئەندرۆیدو ئای ئۆ ئێس بەردەستەو دامەزراندنی تێلیگرام دەگەڕێتەوە بۆ ساڵی (2013) لەلایەن (برایانی نیكۆلای و پاڤێل دورۆڤ)، سەركەوتوو بوون لە دەستپێكردنی بەرنامەی تێلیگرام و دواتر وەك رێكخراوێكی سەربەخۆ تۆماریان كردو بارەگا سەرەكییەكەی لە بەرلینی پایتەختی ئەڵمانیایە.
لە چەند رۆژی رابردوودا بەرپرسانی ئەپڵیكەیشنی تێلیگرام زیادكردنی چەندین تایبەتمەندی نوێیان بۆ بەرنامەكە راگەیاند ئەویش بە زیادكردنی تابێكی نوێ لە لیستی«channels» كە بە كلیك كردن لەسەری بەكارهێنەر لیستی هەموو ئەو كەناڵانە دەبینێت كە فۆڵۆی دەكات، هەروەها لیستی ئەو كەناڵانە دەبینێت كە ئەپلیكەیشنەكە پێشنیاری بۆ دەكات.
جیا لەوە كۆمپانیای تێلیگرام لە«Setting»ی بەرنامەكەدا بەكارهێنەر بەشێكی هەیە بە ناوی»Personal profile» تێیدا دەتوانێت بەرواری لەدایكبوونی خۆی و چەندین داتای دیكە زیاد بكات، وەك «story» ئیمۆجی و ئەنیمەیشن هەروەها لە بەشی «profile» بەكارهێنەر دەتوانێت كەناڵی تایبەتی خۆی زیاد بكات بۆ ئەوەی كەسانی دیكەش فۆڵۆوی بكەن.
لەگەڵ بەرەو پێشچوونەكانی تێلیگرام، بەڵام بەردەوام رەخنەی ئەوەی لێدەگیرێت كە ئاسایشی ئەپەكە لە مەترسیدایە، ئەوەش وایكردووە لە هەندێك وڵاتی وەك رووسیاو ئێران بكەوێتە ژێر سانسۆرەوە یان بلۆك بكرێت، لەژێر رۆشنایی ئەو تۆمەتانەی ئەپلیكەیشنەكە رووبەڕووی بۆتەوە بە یارمەتیدان بۆ ئاسانكاری بۆ كارە نایاساییەكانی وەك تیرۆر، جگە لەوەش بۆ كەمبوونەوەی خواست بۆ ئاسانكاری دەستڕاگەیشتن بە زانیارییەكانی تاكەكان، پەیوەندییەكان و زانیارییە كەسییەكان.
كەشتی نووح
