ڕۆڵی نەتەوە یەكگرتووە لە عێراق و هەرێمی كوردستان لە ساڵی 2003وە تا ئێستا بەگشتی ئەگەر هەڵسەنگاندنی بۆ بكەین ڕۆڵێكی ئیجابی بووە لە پرۆسەی سیاسی عێراق وە بەپێی ئەو ئەركەی لە ساڵی 2003بۆی دیاری كرا وە پاشتریش لە ساڵی 2007 ئەركەكەی فروانتر كرا، نێردەی نەتەوە یەكگرتووەكان لە عێراق و هەرێمی كوردستان بەتایبەتیش لەو ساڵانەی دوایی دا لەسەردەمی (پلاسخارت)دا ڕۆڵێكی گرنگ و كاریگەر و ئەرینیانەی هەبوو لە پرۆسەی سیاسی عێراق لە چارەسەركردنی كێشەكان لە دەست نیشانكردنی كێشەكان لە خستنەڕووی كێشەكان وە لە یەك نزیك كردنەوەی لایەنە ناكۆكەكان لەسەر مێزی گفتووگۆ هەنگاونان بە ڕێگای دیالۆگ و چارەسەركردنی كێشەكانی عێراق .
ئێمە لە حزبی زەحمەتكێشانی كوردستان پێمان وایە كە باس لە تەواو بوونی ئەرك و مەهامی نێردەی نەتەوەیەكگرتووەكان لە عێراق دەكرێت پێمان وایە ئەو ئاراستەیە لە جێگای خۆیدا نیە چونكە ئەو ئەركانەی نێردەی نەتەوەیەكگرتووەكان هێشتان لە جێگای خۆیاندا ماون هێشتان عێراق پێویستی بە ڕۆڵی نێردەی نەتەوەیەكگرتووەكان هەیە یارمەتی بدات لە چەسپاندنی حكومڕانیەكی باش لە عێراقدا ،هێشتان عێراق لە قۆناغێكی گواستنەوە لە دیكتاتۆریەوە بۆ دیموكراسی ڕێگایەكی دوور و درێژی لە پێش ماوە لەو كاروانەشدا پێویستی بە پشتیوانی كۆمەڵگای نێودەوڵەتی هەیە ، وەكو دیاریشە كۆمەڵگای نێودەوڵەتی لە 2023دا ئاراستەی سیاسەتی نێو دەوڵەتی بەو ئاراستەیەبوو كە عێراق لە پرۆسەی دیكتاتۆرییەوە بۆ دیموكراسی هەنگاو بنێ وە نەتەوەیەكگرتووەكان هاوكاری عێراقیشی كردووە لە ئەنجامدانی پرۆسەی هەڵبژاردن تەنانەت ئاسانكاری لۆجستی لە قۆناغی یەكەمدا ،ئەمە دەرفەتێكی گرنگ بوو بۆعێراق بۆیە ئێستاكەش ئەگەرسەیر بكەین كێشەكانی ناوخۆی عێراق لە هەندێك جومگەكانی كێشەی گەورەهەیە ، كێشەكانی نێوان هەرێم و بەغداد چارەسەر بووە .
ئێمە كێشەی ماددەی (140)مان هەیە كێشەی پێشمەرگەمان هەیە ، تەنانەت لە ئێستادا كێشەی مووچەشمان هەیە ، لە هەر ساڵێكدا ئێمە كێشەی بودجەمان هەیە نێردەی نەتەوەیەكگرتووەكان لەو بوارەدا بەڕاستی ڕۆڵی ئەكتیڤی هەبووە ، ڕۆڵی ئەرینی هەبووە ،وە ئێستاش بۆ چارەسەركردنی كێشەكانی نێوان هەرێمی كوردستان و حكومەتی فیدراڵ لەسەر بنەمای دەستوور نێردەی نەتەوەیەكگرتووەكان لە عێراق و هەرێمی كوردستان ڕۆڵی پێویستە وە ئێستاش لە هەڵبژاردنەكانی هەرێمی كوردستان كە تووشی قەیران بووە نێردەی نەتەوەیەكگرتووەكان ڕۆڵێكی ئەكتیڤی هەبووە بۆ ئەوەی هەڵبژاردن لە كاتی خۆیدا بكرێت ،كە دواش كەوت هەوڵیدا ئەو كێشانەی هاتبوونە پێش چارەسەریان بكات بە ئێستاشەوە ، وە پێشمان وایە بۆسەرپەرشتی كردن و چاودێری كردنی هەڵبژاردنەكانی عێراق و هەرێمی كوردستان نەتەوەیەكگرتووەكان ڕۆڵی پێویستی لە عێراق و و هەرێمی كوردستان ماوە .
جگە لە كێشەكانی نێوانی هەرێم و حكومەتی فیدراڵ وە لەو ناوخۆی كوردستان لێكترازان هەیە وە لە ناوخۆی عێراقیشدا كێشەی شیعە شیعە لە هەڵبژاردنی ڕابردوو سەدر پاشەكیشەی كرد وەكو كوتلەیەكی گەورە ئەمە كێشەیەكی گەورەیە لەناوهەناوی ململانێی شیعە شیعە لە عێراق هاوكات كێشەی ناوخۆی سونەش هەیە ئێستا ڕەنگدانەوەی لەسەر سەرۆكی پەرلەمان هەیە ،بۆیە ئێمە پێمان وایە لە ئێستاو لە داهاتووشدا ڕۆڵی نەتەوەیەكگرتووەكان لە عێراق ڕۆڵێكی ئەرێنیە وە پێویستە و نەمانی ئەو ڕۆڵە لە عێراقدا كاریگەری لەسەر پرۆسەی سیاسی لەسەر ئاشتەوایی لەسەر سەقامگیری سیاسی لەسەر هەنگاونان بەرەو دیموكراسی و دەوڵەتی دامەزراوەكان زۆردەبێ بۆیە مانەوەیان بەگرنگ دەزانین .
ئامادەكردن و سازدانی دیمانە : بێستون لەتیف
