عێراق لە ڕیزبەندی پیسترین وڵاتانی جیهاندایە، هەر تاکێکی عێراقی ڕۆژانە زیاتر لە دوو کیلۆ پاشماوە فڕێ دەدات.
فازل غەراوی سەرۆکی ناوەندی ستراتیژی بۆ مافەکانی مرۆڤ لە عێراق ڕایگەیاند: هەر تاکێکی عێراقی ڕۆژانە زیاتر لە دوو کیلۆ پاشماوە فڕێ دەدات، ڕێژەی پاشەڕۆی ڕۆژانە دەگاتە 23 ملیۆن تۆن لە ڕۆژێکدا، ئەمەش دەبێتە هۆی پیسبوونی کەشوهەوا و ژینگەی وڵاتەکە.
فازل غەراوی لە ڕاگەیەندراوێکدا ئەوەی خستەڕوو، بەپێی لێکۆڵینەوەیەک کە لەلایەن کۆمپانیای IQ Air سویسرییەوە ئامادەکراوە، عێراق و بەحرەین لە ڕیزبەندی دووەم و چوارەم وڵاتی جیهاندان بۆ ساڵی 2023.
چاد پیسبوونی بە ڕێژەی 89.7 مایکرۆگرام لە هەر مەتر سێجایەکدا تۆمارکردووە، کە بەرزترین ئاستی پیسبوونە لە جیهاندا، ئەمەش 17 هێندەی ستانداردەکانی پاکوخاوێنی هەوایە کە ڕێکخراوی تەندروستی جیهانی بە ڕێژەی 2.5 تەنۆلکە بۆ هەر مەتر سێجایەک تۆماریکردووە.
باسی لەوەشکرد، عێراق بە 80.1 مایکرۆگرام پلەی دووەمی بەدەستهێناوە، پاکستان بە 70.9 مایکرۆگرام پلەی سێیەمی بەدەستهێناوە، بەحرەین بە 66.6 مایکرۆگرام پلەی دووەمی بەدەستهێناوە، بەنگلادیش بە 65.8 مایکرۆگرام پلەی سێیەمی بەدەستهێناوە.
لێکۆڵینەوەکە دەریدەخات ڕێژەی پیسبوون لە عێراق لەماوەی یەک ساڵدا نزیکەی دوو هێندە زیادیکردووە، لە ساڵی 2021-2022 49.7 بووە، هەروەها لە ساڵی 2020-2021 عێراق پلەی دەیەمی لە لیستی زۆرترین وڵاتی پیسبوودا بەدەستهێناوە بە ڕێژەی 39.6 مایکرۆگرام.
بەپێی ڕاپۆرتی کۆمپانیاکە، تێکڕای چڕیی تەنۆلکە پیسبووەکان گەیشتووەتە 43.8 مایکرۆگرام بۆ هەر مەتر چوارگۆشەیەک بۆ عێراق، لە کاتێکدا تێکڕای چڕیی تەنۆلکە پیسبووەکان لە ئیمارات گەیشتە 43 مایکرۆگرام لە هەر مەتر چوارگۆشەیەکدا، بەپێی ڕاپۆرتەکە، ئایسلەندا شانازی بەوە دەکات کە خاوێنترین هەوای جیهانی هەیە، لە نێوان ئەو 100 وڵاتەی کە لە خشتەکەدا هاتووە، چڕیی PM2.5 3.4 مایکرۆگرامە لە هەر مەتر سێجایەکدا
