سەرلەبەیانی رۆژی شەمە ٢٧ تەممووز، بەڵێن عەبدولڵا، سکرتێری حزبی زەحمەتکێشانی کوردستان، لە بارەگای مەکتەبی سیاسی بە ئامادەبوونی ئەندامانی م س و پەیوەندیەکان پێشوازی کرد لە شاندی پەرلەمانتارانی دەم پارتی و هەدەپ.
ئەمەو شاندەکە پێکهاتبوو لە ( نەورۆز ئویسال پەرلەمانتاری دەم پارتی، گولجان کاچمار پەرلەمانتاری دەم پارتی، ئایشە باشکار ئەندامی پەرلەمانی پێسووی هەدەپ، ھەروەھا نوێنەرایەتی هەدەپ و دەم پارتی لە هەرێمی کوردستان هاوڕیەتی شاندی میوان بوون، لە دیدارێکی دۆستانەدا ڕەوشی سیاسی کوردستان و ناوچەکە گفتوگۆیان لەبارەیەوە کرا.
بەڵێن عەبدولڵا بۆ شاندی میوان: پشتیوانی لە خەباتی دیموکراسیانەی ئاشتیخوازانەی دەم پارتی دەکەین و دەبێت هەموو لایەک تێبکۆشین بۆ دەسپێکردنەوەی پڕۆسەی ئاشتی لە نێوان تورکیا و نوێنەرانی گەلی کورد لە باکوری کوردستان، بۆ ئەم مەبەستەش هەڵگرتنی گۆشەگیری لەسەر بەرێز ئۆجالان بە پێویست دەزانین.
لە لایەن خۆیانەوە شاندی دەم پارتی بە گرنگیەوە لە هەڵوێستی حزبی زەحمەتکێشانی کوردستانیان ڕووانی سوپاسی پشتیوانی حزبی زەحمەتکێشانیان کرد لە خەباتی پارچەکانی دیکەی کوردستاندا.
ئەمەو دوای دیدارەکە ھەریەک لە نیشتمان کەمال ئەندامی مەکتەبی سیاسی حزبی زەحمەتکێشانی کوردستان و گولجان کاچمار پەرلەمانتاری دەم پارتی، لە کۆنگرەیەکی ڕۆژنامەوانی ئامانجی دیدارەکەی زەحمەتکێشان و شاندی باکوریان بۆ دەزگاکانی راگەیاندن خستەڕوو.
