برای بەڕێزم کاک بەڵێن عەبدوڵا سکرتێری حزبی زەحمەتکێشانی کوردستان و هاوڕێیان لە حزبی زەحمەتکێشانی کوردستان
بەڕێزان خانەوادەو کەسوکاری کاک بەهمەن حسێن
بەداخێکی زۆرەوە هەواڵی کۆچی دوایی تێکۆشەرو کەسایەتی دیار (بەهمەن حسێن) بەرپرسی ئەنجومەنی گشتیی حزبی زەحمەتکێشانی کوردستانم بیست، دڵگران و خەمباری کردم، هاوبەشی خەمتانم.
کاک بەهمەن حسێن لە خەباتی شاخ وەک پێشمەرگەو لەدوای راپەڕین وەک وەزیری ئاوەدانکردنەوەو نیشتەجێکردن لە کابینەی دووەم و وەک ئەندامی پەرلەمانی کوردستان هەمیشە چالاکانەو دڵسۆزانە کاری کردووەو خزمەتی کردووە، رۆڵی دیارو بەرچاوی هەبووەو بەرپرسانە مامەڵەی کردووەو جێپەنجەی بەکارەکانەوە دیار بووە.
بەداخەوە بۆ ئەم کۆستەو لەدەستدانی ئەم تێکۆشەرەی گەلەکەمان، پرسەو سەرەخۆشی و هاوخەمی خۆم ئاراستەی هاوڕێیانمان لە حزبی زەحمەتکێشانی کوردستان و خانەوادە تێکۆشەرەکەتان دەکەم، هیواخوازم ئەمە دواکۆست و ناخۆشیتان بێت، خوای گەورە سەبووری هەموو لایەک بدات و کۆچکردوو جێگای بەهەشتی بەرین بێت.
براتان
کۆسرەت رەسول عەلی
