حزبی زەحمەتکێشانی کوردستان و ڕێکخراوی پەیامنێران بۆ ماف و گەشەپێدان پابەندبوونی خۆیان بە ئازادی ڕۆژنامەگەریی لە هەرێمی کوردستان دووپات دەکەنەوە پێشنیوەڕۆی ئەمڕۆ سێشەممە 2ـی کانوونی یەکەمی 2025 شاندێكی حزبی زەحمەتکێشانی کوردستان پێكهاتبوون لە هاوڕێ بێكەس قادر جێگری سکرتێری حزبی زەحمەتکێشانی کوردستان و هیوا سەید سەلیم، نیشتمان كەمال ئەندامانی مەكتەبی سیاسی و كاروان سابیر ئەندامی مەكتەبی ڕاگەیاندن پێشوازی لە شاندێكی ڕێکخراوی پەیامنێران بۆ ماف و گەشەپێدان بەسەرۆكایەتی هۆزان قادر و شاندی یاوەری دەكات .
لە دیدارێكدا ههردوولا جەختیان لە سهر “هەماهەنگی و كاری هاوبەش لە بواری ئازادی میدیا و ڕۆژنامەگەریی لە هەرێمی کوردستان” کردەوە. هۆزان قادر سەرۆکی ڕێکخراوی پەیامنێران بۆ ماف و گەشەپێدان و شاندی ڕێکخراوەکە ، پرسی پەرەپێدانی ڕۆژنامەگەریی و ئازادی ڕادەربڕین و بەرگریکردن لە ئازادی ڕۆژنامەگەری، ههروهها ئهو ئالنگارییانهی دێنه پێش رۆژنامهنووسان، تاوتوێكرا. له لای خۆیەوە بێکەس قادر، پاڵپشتی خۆی بۆ ئازادی ڕۆژنامەگەریی لە هەرێمی کوردستان و هەوڵەکانی ڕێکخراوی پەیامنێران بۆ ماف و گەشەپێدان دووپاتکردەوە بۆ ئەنجامدانی کۆنفرانسێک سەبارەت بە ئازادی ڕۆژنامەگەری و میساقی شهرهفی ڕاگەیاندن به بهشداری سهرجهم لایهنه پهیوهندیدارهكان لە هەرێمی کوردستان.
