پەیامی هاوخەمیی بەڵێن عەبدولڵا سکرتێری حزبی زەحمەتكێشانی كوردستان بۆ کۆچی دوایی شێخ محەمەد شاکەلی

بەڕێز کاک ئامانج شاکەلی

پرسەنامە

بە خەم و پەژارەیەکی زۆرەوە هەواڵی ماڵئاوایی هاوڕێ و سەرکردە و تێکۆشەری دێرین مامۆستا “شێخ محەمەد شاکەلی” باوکی بەڕێزتانمان بیست، لەو پێوەندە خەمناكەدا پرسە و سەرەخۆشی لە ئێوە و لە کەسوکار و لە خانەوادە تێکۆشەرەکەتان دەکەم و خۆم بە هاوبەشی خەمتان دەزانم، مامۆستا هەموو ژیانی خۆی تەرخان کرد بۆ خەبات و ئاشتەوایی و یەکڕیزیی کوردستانی. کۆچی دوایی مامۆستا خەسارەتێکی گەورەیە بۆ گەلەکەمان، ڕوحی مامۆستا “شێخ محەمەد شاکەلی” بە بەهەشت شاد بێت.
سەبر و ئارامی بۆ هەموو لایەك.

بەڵێن عەبدولڵا
سکرتێری حزبی زەحمەتكێشانی كوردستان

22-01-2026