کۆبونەوەیەکی پلان بۆ داڕێژراوی نێوان بەرپرسانی پاریس و ڕیاڵ مەدرید بەهۆی مباپێوە هەڵوەشێندرایەوە.
ڕۆژنامەی سپۆرتی کەتەلۆنی ڕایگەیاند کە پەیوەندی نێوان یانەکانی پاریس سان جێرمانی فەڕەنسی و ڕیاڵ مەدریدی ئیسپانی بەباشترین کاتەکانیدا تێناپەڕێت و هۆکاری سەرەکیش هەوڵەکانی فلۆرنتینۆ پێرێزی سەرۆکی یانەی شاهانەیە کە لە هاوینی ڕابردوو هەوڵی ئەوەیدا گرێبەست لەگەڵ کیلیان مباپێ بکات.
ڕۆژنامەکە ڕوونیکردەوە کە پاریس سان جێرمان بەسەرۆکایەتی ناسر خلێفی پێشتر بڕیاری دابوو پێش یاریەکەی نێوان ئەو دوو یانەیە لە چامپیۆنس لیگ ئێوارە خوانێک ڕێکبخات بەڵام دواتر بەوهۆیەوە کۆبونەوەکەی هەڵوەشاندەوە.
ئەو ئێوارە خوانە وەک نەریتێکی لێهاتووە کە لەلایەن یەکێتی تۆپی پێی ئەوروپاوە بەشێوەیەکی فەرمی ناسێندراوە کە پێش هەموو یاریەک ڕێکدەخرێت.
لەکۆتایشدا ئەو کۆبونەوەیەی نێوان بەرپرسانی دوو یانەکە گۆڕانکاری تیاداکرا و بووە ئێوارەخوانێکی تایبەت بە کارلۆ ئەنچیلۆتی و ماوریسیۆ پۆچێتینۆ.
