كەشناسیی هەرێم پێشبینییەکانی کەش و هەوای ئهمرۆ و سبهینێی بڵاوکردەوە، بهپێی پێشبینییهكانیش پلەكانی گەرما نزم دەبێتەوە و ئاسمانی ناوچەكانی هەرێم بە گشتی هەوری باراناوی دەبێت.
بەپێی پێشبینییەكانی كەشناسی، ئەمڕۆ پێنجشەممە 2ی شوباتی 2023 کاریگەری نزمە پاڵەپەستۆی دەریایی سپی ناوەڕاست و بارستە هەوایەکی سارد , ئاسمان هەوری باراناوی دەبێت , باران بارین لەسەر ناوچەکەمان تا کاتەکانی ئێوارە بەردەوامی دەبێت و بەفر لەسەر ناوچە شاخاوییەکان دەبارێت . لە شەو درەنگدا دابارین بە گشتی لەسەر ناوچەکەمان کۆتایی دێت.
ئاماژەشیان بەوەكرد، پلەکانی گەرماش نزم دەبێتەوە بە نزیکەی ( 1 – 2 ) پلە لە تۆمارکراوەکانى دوێنێ.
سبەینێ هەینی، ئاسمان نیمچە هەور دەبێت , لەگەڵ ئەگەری بارینی نمە بارانی کەم لەسەر ناوچە شاخاوییەکان , ئەگەری دروست بوونی تەمێکی کەم لە هەندێک ناوچە هەیە.
بەرزترین پلەکانی گەرمای پێشبینیکراو بە پلەی سیلیزی :
هەولێر : 12 پلەى سیلیزى
سلێمانی : 10 پلەى سیلیزى
دهۆک : 9 پلەى سیلیزى
کەرکوک : 15 پلەى سیلیزى
هەڵەبجە : 11 پلەى سیلیزى
زاخۆ : 11 پلەى سیلیزى
سۆران : 5 پلەى سیلیزى
گەرمیان : 17 پلەى سیلیزى
