فڕۆكەیەكی گواستنەوە دروست دەكرێت كە بە شۆڕشێكی گەورەی بەرهەمهێنانی فڕۆكە ناوزەد دەكرێت و خێراییەكەی پێنج هێندەی خێرایی دەنگ دەبێت.
رۆژنامەی (دەیلی مەیلی)ی ئینگلیزی باس لە فڕۆكەكە دەكات و دەڵێت “بە دروستكردنی گۆڕانكارییەكی گەورە لە گواستنەوەی ئاسمانی دێنێتەكایەوە، بۆ نموونە گەشتی نێوان لەندەن بۆ نیۆیۆڕك بە كەمتر لە كاتژمێرێك ئەنجام دەدرێت.
فڕۆكەكە كە ناوی (Stargazer) لێنراوە، خێراییەكەی پێنج هێندەی خێرایی دەنگ دەبێت، هەروەها سێ جار لە خێرایی فڕۆكەی (كۆنكۆرد)ی ناسا زیاتر دەبێت كە تا ئێستا بە خێراترین فڕۆكەی جیهان دادەنرێت.
ئەو فڕۆكەیە بەبێ فڕۆكەوان دەبێت و لە ساڵی 2025 كۆتایی بە دروستكردنی دەهێنرێت و دەكەوێتە بواری گەشتی ئاسمانییەوە.
